Connect with us

சினிமா

குடிபோதையில் தகராறு செய்தாரா?விஷ்ணு விஷால் விளக்கம்

Published

on

விஷ்ணு விஷால் குடிபோதையில் தகராறு செய்ததாக கோட்டூர்புரத்தில் இருக்கும் அடுக்குமாடி குடியிருப்பு சங்கதத்தின் சார்பில் போலீசில் புகார் அளிக்கப்பட்டது. இது தொடர்பாக விஷ்ணு விஷால் இன்று அறிக்கை வெளியிட்டுள்ளார்.

அந்த அறிக்கையில் அவர் கூறியிருப்பதாவது,

நவம்பர் மாதம் வாடகைக்கு ஒரு அபார்ட்மென்ட் எடுத்தேன். தினமும் 300 பேருடன் ஷூட்டிங்கில் பங்கேற்க வேண்டி இருந்தது. என் பெற்றோர் நலம் கருதி நான் வீட்டில் தங்க வேண்டாம் என்று முடிவு செய்தேன். எஃப்.ஐ.ஆர். படத்தை தயாரிப்பதால் வேலை தொடர்பாக பலரை சந்திக்க வேண்டியுள்ளது. என் அபார்ட்மென்ட்டுக்குள்ளேயே ஒர்க்அவுட் செய்கிறேன், மொட்டை மாடியில் நடை பயிற்சி செய்கிறேன்.

நான் குடியேறிய நாளில் இருந்து முதல் தளத்தில் இருக்கும் அபார்ட்மென்ட் உரிமையாளர் ஒருவர் என் மீது புகார் தெரிவித்துக் கொண்டே இருக்கிறார். அவர்கள் என் ஊழியர்கள், என்னிடம் மற்றும் என்னை பார்க்க வருபவர்களிடம் மோசமாக நடக்கிறார்கள். என் படத்தின் DOPயின் பிறந்தநாள். அதனால் என் அபார்ட்மென்ட்டில் சின்ன பார்ட்டி நடந்தது. ஒர்க்அவுட் செய்வதால் நான் மது அருந்துவது இல்லை. ஆனால் அந்த பார்ட்டிக்கு வந்த விருந்தினர்களுக்கு மது அளிக்கப்பட்டது. அதில் எதுவும் தவறு இருப்பதாக எனக்கு தெரியவில்லை.

நான் போலீசாரிடம் தன்மையாக பேசினேன். உரிமையாளரால் ஒன்றும் சொல்ல முடியவில்லை. இதையடுத்து அவர் கெட்ட வார்த்தை பயன்படுத்திவிட்டு கிளம்பினார். பிற மனிதர்களை போன்று நானும் பதிலுக்கு சில வார்த்தைகளை பயன்படுத்தினேன்.

நான் எந்த தவறும் செய்யவில்லை என்பது போலீசாருக்கு தெரிந்ததால் அவர்கள் கிளம்பிவிட்டனர். நான் மீடியா வெளிச்சத்தில் இருப்பதாலும், போலீஸ் அதிகாரியின் மகன் என்பதாலும் என் மீது புகார் தெரிவிப்பது எளிது.

படப்பிடிப்பில் இருந்து லேட்டாக வருவதற்காக விமர்சிக்கிறார்கள், அதிகாலையில் படிப்பிடிப்புக்கு கிளம்பும்போது சத்தம் வருவதாக சொல்கிறார்கள். என் அபார்ட்மென்ட்டில் நான் ஒர்க்அவுட் செய்வது அவர்களுக்கு தொல்லையாக இருக்கிறது என்று கூறி கார்னர் செய்கிறார்கள்.

நான் சட்டவிரோதமாக எதையும் செய்யவில்லை. அவர்களின் கோரிக்கைகளை ஏற்காததால் என் இமேஜை கெடுக்க நேற்று அப்படி செய்துள்ளார்கள். அபார்ட்மென்ட் உரிமையாளர் கெட்ட வார்த்தை பயன்படுத்தியதால் நான் கோபமாக இருப்பதை தான் வீடியோவில் பார்த்திருப்பீர்கள். கெட்ட வார்த்தை பயன்படுத்தினால் எந்த சாதாரண நபரும் பொறுத்துக் கொள்ள மாட்டார். நீங்கள் பொறுத்துக் கொள்வீர்களா?

ஒரு கதையின் இரு பக்கங்களையும் தெரிந்து கொள்ளாமல் மீடியாவும், மக்களும் எந்த முடிவுக்கும் வர மாட்டார்கள் என்று நம்புகிறேன்.

நான் வழக்கமாக ரொம்ப விளக்கம் அளிக்க விரும்ப மாட்டேன். ஆனால் என்னை குடிகாரன், கூத்தாடி என்று கேவலமாக பேசிய பிறகு அமைதியாக இருக்க மாட்டேன்.

நான் விபரங்களை ஷேர் செய்து, அபார்ட்மென்ட் உரிமையாளரின் செயலுக்கான ஆதராத்தை அளிக்க முடியும். ஆனால் அவருக்கு என் தந்தை வயது. அவருக்கோ, அவரின் குடும்பத்துக்கோ எந்த பிரச்சனையும் ஏற்படுத்த நான் விரும்பவில்லை.

இந்த இடத்தை விட்டு வெளியேறுவது என்பது நான் எப்பொழுதோ முடிவு செய்துவிட்டேன். என் படத்தின் ஷூட்டிங் நிறைவடைய காத்திருக்கிறேன். இது என் பலவீனம் இல்லை. ஆனால் இது போன்ற தேவையில்லாத சட்ட பிரச்சனையை எதிர்கொள்ள எனக்கு நேரம் இல்லை. என் ரசிகர்கள், நலம் விரும்பிகளுக்காக நிறைய வேலை செய்ய வேண்டி இருக்கிறது என்று தெரிவித்துள்ளார்.

Continue Reading
Click to comment

Leave a Reply

Your email address will not be published. Required fields are marked *