Connect with us

சர்வதேசம்

தென் ஆப்பிரிக்காவில் பள்ளியை மூட அதிரடி உத்தரவு

Published

on

தென் ஆப்பிரிக்கா புதிய வகை கொரோனா கண்டறியப்பட்டதால் பள்ளியை மூட அதிரடி உத்தரவு பிறப்பிக்கப்பட்டுள்ளது.

ஒரு ஆண்டுக்கும் மேலாக கொரோனா வைரஸால் கடும் நெருக்கடியில் தள்ளப்பட்ட உலக மக்களுக்கு, கொரோனா தடுப்பூசிகளால் தற்போது புதிய நம்பிக்கை பிறந்துள்ளது. இதனிடையே, ஏற்கெனவே பரவி வரும் வைரஸை விட வேகமாக பரவக்கூடிய தன்னைத் தானே தகவமைத்துக் கொண்ட புதிய கொரோனா வைரஸ் பிரிட்டனில் கண்டறியப்பட்டது.

உருமாற்றம் அடைந்த புதிய வைரஸ் அசுர வேகத்தில் பரவுவதால் அந்நாட்டில் பல்வேறு கட்டுப்பாடுகள் விதிக்கப்பட்டுள்ளன. இங்கிலாந்தில் உருமாறிய கொரோனா, சுமார் 50 நாடுகளில் பரவியுள்ளது.

அதேபோல், தென் ஆப்பிரிக்காவிலும் மரபியல் மாற்றம் அடைந்த கொரோனா தொற்று கண்டறியப்பட்டுள்ளது. இங்கிலாந்து உள்பட சுமார் 20 நாடுகளில் தென் ஆப்பிரிக்கா வேரியண்ட் கொரோனா பரவியுள்ளது. சீனாவில் இருந்து வந்த அசல் கொரோனா வைரசை விட இங்கிலாந்து, தென் ஆப்பிரிக்காவில் கண்டறியப்பட்டுள்ள உருமாறிய கொரோனா அதிக மரண ஆபத்தை ஏற்படுத்துவதாக பான் அமெரிக்க சுகாதார அமைப்பு தெரிவித்துள்ளது.

இந்த நிலையில், பிரான்ஸ் தலைநர் பாரீஸின் புறநகர் பகுதியான Eaubonne நகரில் உள்ள பள்ளி ஒன்றில் தென் ஆப்பிரிக்கா வகை கொரோனா தொற்று இரண்டு மாணவர்களுக்கு கண்டறியப்பட்டுள்ளது. இதையடுத்து, அப்பள்ளியை மூட அதிரடியாக உத்தரவிடப்பட்டுள்ளது. மேலும், பாதிக்கப்பட்ட மாணவர்களுடன் தொடர்பில் இருந்தவர்களை கண்டறியும் பணியும் முடுக்கி விடப்பட்டுள்ளது.

முன்னதாக, கொரோனா பெருந்தொற்று காரணமாக மூடபட்ட பள்ளிகள் பல்வேறு நாடுகளில் படிப்படியாக திறக்கப்பட்டு வருகின்றன. அந்த வகையில், பாரீஸில் பள்ளிகள் திறக்கப்பட்டதுமே பள்ளி ஒன்றில் புதிய வகை கொரோனா கண்டறியப்பட்டுள்ளது அதிர்ச்சியை ஏற்படுத்தியுள்ளது.

Continue Reading
Click to comment

Leave a Reply

Your email address will not be published. Required fields are marked *