Connect with us

அழகு குறிப்புகள்

ஆண்களுக்கு விரைவாக வழுக்கை விழுவது ஏன்?

Published

on

ஆண்கள் பெண்களை காட்டிலும் அதி வேகமாக முடியை இழந்து விடுகிறார்கள். இதற்கு காரணங்கள் என்னவாக இருக்கும் என்பதை அறிந்தால் அதை முன்கூட்டியே தடுக்க முயற்சிக்கலாம்.

ஆண்கள் தங்கள் முடி இழப்பை கண்ணாடியில் பார்க்கும் போதே உணர முடியும். 100 ஆண்களில் 50 பேருக்கு மேற்பட்டவர்களுக்கு முடி உதிரும் அறிகுறிகள் உண்டு. அதனால் இது தனக்கு மட்டுமான இழப்பு இல்லை என்பதை முதலில் அறிந்து கொள்ள வேண்டும். 70 வயதை கொண்டுள்ள ஆண்களில் 5- பேரில் நான்கு பேருக்கு இந்த பிரச்சனை உள்ளது. எல்லாம் மரபணுதான் காரணம் என்று நினையாமல் வேறு பல காரணங்களும் உண்டு. அது என்ன என்பதை அறிய வேண்டும்.

ஆண்களில் வழுக்கை என்பது ஆண்ட்ரோஜெனெடிக் அலோபீசியா என்று அழைக்கப்படுவதை கேட்கலாம். பெற்றோரிடமிருந்து பெற்ற மரபணுக்களால் இவை தூண்டப்படுகிறது. இது எப்படி என்பது தெளிவாக இல்லை. உங்கள் நெருங்கிய உறவினர்கள் வழுக்கை கொண்டிருந்தால் உங்களுக்கும் வாய்ப்பு அதிகமாக இருக்கலாம்.

சில ஹார்மோன் மாற்றங்கள் ஏன் மயிர்க்கால்களை சுருங்குகின்றன. அல்லது ஏன் வழுக்கை செயல்முறை பெரும்பாலான ஆண்களுக்கு ஒரே மாதிரியாக ஏன் நடக்கிறது என்று மருத்துவர்கள் முழுமையாக புரிந்து கொள்ளவில்லை.

குடும்ப வரலாறை பொறுத்து ஆண்களுக்கு பதின்ம வயதிலேயே இது தொடங்கலாம். தலைமுடி மெலிந்து போவது மட்டும் அல்லாமல் மென்மையானதாக மெல்லியதாக குறுகியதாக இருக்கும். இந்த அறிகுறிகள் வந்தாலே ஆண்கள் எச்சரிக்கையாக வேண்டும்.

தற்காலிக முடி உதிர்தல், இரத்த சோகை அல்லது தைராய்டு பிரச்சனைகள் போன்ற மருத்துவபிரச்சனையின் அறிகுறியாக இருக்கலாம். புரதம், இரும்புச்சத்து குறைந்த உணவு தலைமுடியை மெல்லியதாக மாற்றலாம். நீரிழிவு அல்லது லூபஸ் இருந்தால் முடி உதிரும் ஆபத்து அதிகம். முடி உதிர்தல் நீங்கள் எடுத்துகொள்ளும் சில மருந்துகளின் பக்கவிளைவாக இருக்கலாம்.

புற்றுநோய், கீல்வாதம், மன அழுத்தம், உயர் இரத்த அழுத்தம் இதய பிரச்சனைகள், கதிர்வீச்சு சிகிச்சை அல்லது கீமோதெரபி, பரவலான முடி உதிர்தலை உண்டாக்கும். வழக்கமான சிகிச்சைகள் முடிந்த பிறகு தலைமுடி வளரக்கூடும்.

மன அழுத்தம் அல்லது அதிர்ச்சி, திடீர் அல்லது அதிக எடை இழப்பு, கடுமையான உடல் அல்லது உணர்ச்சி அதிர்ச்சி, அறுவை சிகிச்சை காய்ச்சல் மற்றும் பல மாதங்கள் நீடிக்கும் நோய் கூட முடி உதிர்வை உண்டாக்கலாம்.

உச்சந்தலையில் புழுவெட்டு பிரச்சனை போன்றவை அதிகப்படியான முடி உதிர்தலை உண்டாக்கி தலையில் வழுக்கை மற்றும் புள்ளிகளில் செதில் திட்டுகளை உருவாக்கலாம். சிகிச்சைக்கு பிறகு முடி வளரக்கூடும். ஆனால் ஆரம்ப கட்டத்திலேயே சிகிச்சைக்கு செல்வது நல்லது.

தலையில் பல்வேறு இடங்களில் அதிக முடி உதிர்தல் இருந்தால் வழுக்கை புள்ளிகளை விட்டு வெளியேறினால் அது அலோபீசியா அரேட்டா என்னும் மரபணு நிலையாக இருக்கலாம். இது பெரும்பாலும் குழந்தை பருவத்திலேயே தொடங்குகிறது. நெருங்கிய உறவினர் இந்த பிரச்சனையை கொண்டிருந்தால் உங்களுக்கு வருவதற்கு வாய்ப்பு அதிகம் உண்டு.

உடலில் நோய் எதிர்ப்பு மண்டலம் மயிர்க்கால்களை தாக்கி கூந்தலின் சிறிய திட்டுகளை உதிர்க்கின்றன. வலி அல்லது நோய் எதுவும் இல்லை என்றால் அது தொற்றுநோயாக இல்லாமல் இருந்தால் தலைமுடி மீண்டும் வளரலாம். அப்போதும் அவை மீண்டும் விழக்கூடும் என்பதால் உரிய சிகிச்சை அவசியம்

சிலர் அரிதாக 1 முதல் 2% வரையானவர் இந்த பிரச்சனையை கொண்டிருக்கிறார்கள். இவர்கள் புருவத்திலிருந்து உச்சந்தலையில் இருந்து முடியை இழுக்கும் பழக்கத்தை கொண்டிருப்பார்கள். இவர்களால் தன்னிச்சையாக இதை செய்வதால் இவர்களால் இதை கட்டுப்படுத்த முடியாது. இது ட்ரைக்கோடிலோமேனியா எனப்படும் நாள்பட்ட நிலை. இது இளைஞர்கள் மற்றும் பெரியவர்களை பாதிக்கிறது

கூந்தலை பாதுகாக்கிறேன் என்று உச்சந்தலையை சீர்ப்படுத்துதல், இறுக்கமாக முடி வளர்ந்த பிறகு குதிரை வால், ஜடை போடுவது, இறுக்கமாக கட்டிக்கொள்வது எல்லாமே தற்காலிக முடி இழப்பை உண்டாக்கும். கூடுதலாக சூடான எண்ணெய் சிகிச்சைகள் மயிர்க்கால்களை சேதப்படுத்தும். ஆண்கள் முடி உதிர்தலுக்கு சொல்லப்படும் கட்டுக்கதைகளும் உண்டு.

தொப்பி அணிவதால் முடி உதிர்வு உண்டாகலாம் என்று சொல்வது தவறு. தொப்பிகள் முடி உதிர்வை உண்டாக்காது. உப்பு நீரில் குளோரினேட்டட் நீரில் நீந்துவது முடி உதிர்வை உண்டாக்கும். சன்ஸ்க்ரீன் உங்கள் தலைமுடியை உதிர செய்யாது. ஹேர் ட்ரையர்கள் தலைமுடியை மேலும் உடைக்க செய்யும் என்று சொல்லலாம். ஆனால் இவை நிரத்தர முடி இழப்பை உண்டாக்காது.

Continue Reading
Click to comment

Leave a Reply

Your email address will not be published. Required fields are marked *