Connect with us

அழகு குறிப்புகள்

உங்கள் சருமத்தை ஒளிரவும் கறைகளை போக்கவும் இதை ட்ரை பண்ணுங்க

Published

on

சருமத்தின் நிறமி, கரும்புள்ளிகள், கறைகள் போன்றவை நிரந்தரமாக அல்லது நீண்ட நாட்கள் உங்கள் முகத்தின் இருந்தால் நீங்கள் விரைவாக அதை சரிசெய்ய நடவடிக்கை எடுக்கவேண்டும். உங்கள் சருமத்தை ஒளிரவும் கறைகளை போக்கவும் இந்த ஃபேஸ் பேக் வகைகள் உதவக்கூடும்.

பால் பவுடர் ஃபேஸ் பேக்

தேவை

பால் பவுடர் – 1 டீஸ்பூன்

ஆரஞ்சு சாறு – 2 டீஸ்பூன்

ஓட்ஸ் கூட் – 1 டீஸ்பூன்

அனைத்தையும் நன்றாக கலக்கி ஐந்து நிமிடம் வைக்கவும். முகத்தை க்ளென்சரால் கழுவி உலர விடவும். சுத்தமான விரல்களால் இந்த கலவையை முகம் மற்றும் கழுத்தில் தடவி எடுக்கவும். 15 நிமிடங்கள் கழித்து குளிர்ந்த நீரில் முகத்தை கழுவி விடவும். வாரத்தில் இரண்டு முறை இதை செய்யலாம்.

கொட்டும் முடி, இளநரை, முடி பிளவு எல்லாம் போக உங்க பராமரிப்பு முறையை இப்படி மாத்துங்க!

பால் பவுடரில் லாக்டிக் அமிலம் உள்ளது. இது வலுவான வெளுக்கும் பண்புகளை கொண்டுள்ளது. இந்த ஃபேஸ் பேக் மந்தமான இறந்த சரும செல்களை உரிக்க செய்கிறது. மேலும் புதிய சரும செல்களை வெளிப்படுத்துகிறது.

ஆரஞ்சு சாற்றில் இருக்கும் வைட்டமின் சி சருமத்தை ஒளிர செய்யும் பண்புகளை கொண்டுள்ளது. இது கரும்புள்ளிகள் மற்றும் புள்ளிகளை மறைக்க உதவும்.

 

​தயிர் ஃபேஸ் பேக்

தேவை

தயிர் – 2 டீஸ்பூன்

தக்காளி சாறு – 1 டீஸ்பூன்

ஓட்ஸ் – 1 டீஸ்பூன்

அனைத்து பொருள்களையும் கலந்து விடவும். முகத்தை க்ளென்சரில் கழுவி உலர விடவும். சுத்தமான விரல்களால் ஃபேஸ் பேக் எடுத்து முகம் மற்றும் கழுத்தில் தடவவும். பிறகு 20 நிமிடங்கள் அப்படியே முகத்தை வைத்திருந்து குளிர்ந்த நீரில் கழுவி விடவும். வாரத்தில் 3 முறை இதைசெய்யவும்.

தயிர் சருமத்தை ஈரப்பதமாக வைக்கிறது. அதே நேரத்தில் தக்காளி மற்றும் ஓட்ஸ் சருமத்தை உரித்து பளபளப்பாக வைத்திருக்கிறது. பழுப்பு நிறத்தை நீக்கவும் முகப்பருவை குறைக்கவும் இவை உதவுகிறது.

புதினா இலை ஃபேஸ் பேக்

தேவை

புதினா இலை – அரை கைப்பிடி

தண்ணீர் – தேவைக்கு

புதினா இலைகளை தடிமனாக பேஸ்ட்டாக்கி அரைக்கவும். இந்த கலவை தடிமனாக இருந்தால் சிறிது தண்ணீர் சேர்த்து மீண்டும் அரைக்கவும். முகத்தை க்ளென்சரால் கழுவி உலரவிடவும். பிறகு இதை முகம் மற்றும் கழுத்து பகுதியில் தடவி இவை உலரும் வரை வைத்திருந்து பிறகு குளிர்ந்த நீரில் முகத்தை கழுவி விடவும். வாரத்தில் இரண்டு முறை இதை செய்யலாம்.

புதினா வலுவானது. புத்துணர்ச்சியூட்டக்கூடியது. இது சருமத்தை சுத்திகரித்து சருமத்தின் பழுப்பு நிறத்தையும் கறைகளையும் வெளியேற்றுகிறது.

 

கடலை மாவு ஃபேஸ் பேக்

தேவை

கடலை மாவு – 2 டீஸ்பூன்

மஞ்சள் – 2 டீஸ்பூன்

பால் – 2 டீஸ்பூன்

அனைத்து பொருள்களும் நன்றாக கலக்கி முகத்தை க்ளென்சரில் கழுவி உலர விடவும். பிறகு இதை முகம் மற்றும் கழுத்து பகுதியில் தடவி விடவும். 20 நிமிடங்கள் அப்படியே வைத்திருந்து பிறகு குளிர்ந்த நீரில் கழுவி எடுக்கவும். வாரத்தில் இரண்டு முறை இதை செய்யலாம்.

அடர்த்தியான முடிக்கு திரிபலாவை பயன்படுத்தும் முறை, எல்லோரும் பயன்படுத்தலாம்!

கடலை மாவு முகப்பரு வடுக்கள் மற்றும் சரும நிறமிகளை பெரிதும் குறைக்க உதவுகிறது. இது சருமத்தின் நிறத்தை மீட்டெடுக்க உதவுகிறது. மேலும் சருமத்தை ஒளிர செய்கிறது.

ஆரஞ்சு ஃபேஸ் பேக்

தேவை

ஆரஞ்சு தோல் பொடி – 2 டீஸ்பூன்

முல்தானிமிடி – 1 டீஸ்பூன்

எலுமிச்சை சாறு – 1 டீஸ்பூன்

தண்ணீர் – 2 டீஸ்பூன்

அனைத்து பொருள்களையும் நன்றாக கலந்து விடவும்.முகத்தை க்ளென்சரில் கழுவி உலர வைத்து கலவையை முகம் மற்றும் கழுத்து பகுதியில் தடவி விடவும். பிறகு குளிர்ந்த நீரில் முகத்தை கழுவி விடவும். வாரத்தில் ஒரு முறை செய்தால் போதும்.

இது சக்தி வாய்ந்த ஃபேஸ் பேக். எண்ணெய் மற்றும் முகப்பரு பாதிப்புக்குள்ளான சரும வகைகளுக்கு பிரத்யேகமாக இவை உதவுகிறது. சருமத்தில் உள்ள அசுத்தங்களை வெளியேற்ற இவை உதவுகிறது.

 

​அரிசி மாவு ஃபேஸ் பேக்

தேவை

அரிசிமாவு – 1 டீஸ்பூன்

கடலை மாவு – 1 டீஸ்பூன்

தயிர் – 2 டீஸ்பூன்

மஞ்சள் – அரை தேக்கரண்டி

அனைத்துபொருள்களும் நன்றாக கலக்கும் வரை செய்து விடவும். முகத்தை க்ளென்சரில் கழுவி உலர வைத்து முகம் மற்றும் கழுத்து பகுதியில் தடவவும். வாரத்தில் இரண்டு முறை இதை செய்யலாம்.

அரிசி மாவு சிறந்த சருமத்தை ஒளிர செய்யும் பொருளாகும். இது சீரற்ற தோல் நிறத்தை அகற்ற உதவுகிறது. வைட்டமின் சி பாரா பென்சோயிக் அமிலம் நிறைந்தது. இது சரும ஆரோக்கியத்தையும் அதிகரிக்கிறது.

உருளைக்கிழங்கு ஃபேஸ் பேக்

தேவை

உருளைக்கிழங்கு – 1

உருளைக்கிழங்கை தோல் உரித்து அதை துண்டுகளாக வெட்டவும். முகத்தை க்ளென்சரால் கழுவி உலர விடவும். உருளைக்கிழங்கு துண்டுகளை பயன்படுத்தி முகத்தை மசாஜ் செய்யவும். உருளைக்கிழங்கு சாற்றை 15 நிமிடங்கள் வைத்திருந்து குளிர்ந்த நீரில் கழுவி எடுக்கவும். வாரத்தில் இரண்டு முறை செய்யவும்.

உருளைக்கிழங்கு கேடெகோலஸ் நொதியின் வளமான ஆதாரமாகும். இது முகத்தில் இருக்கும் கறைகள், முகப்பரு வடுக்கள் மற்றும் கறைகளை போக்க உதவுகிறது. இது அத்தியாவசிய வைட்டமின்கள் மற்றும் தாதுக்களை கொண்டுள்ளது. இது ஆரோக்கியமான தோல் உருவாக்கத்தை ஊக்குவிக்கிறது. இதன் ப்ளீச்சிங் பண்புகள் மெலனின் உற்பத்தியை கட்டுப்படுத்த செய்கிறது.

குங்குமப்பூ ஃபேஸ் பேக்

தேவை

குங்குமப்பூ – 2 அல்லது 3 இழைகள்

பால் – 2 டீஸ்பூன்

சுத்தமான காட்டன்

பாலில் 2 அல்லது 3 குங்குமப்பூ இழைகளை 3 மணி நேரம் ஊறவிடவும். முகத்தை க்ளென்சரால் கழுவி உலர விடவும். காட்டனில் இதை நனைத்து முகம் மற்றும் கழுத்தில் இதை தடவி விடவும். பிறகு 30 நிமிடங்கள் கழித்து குளிர்ந்த நீரில் முகத்தை கழுவி எடுக்கவும்.

Continue Reading
Click to comment

Leave a Reply

Your email address will not be published. Required fields are marked *